ભુજમાં ઇન્સ્ટા પર સસ્તા સોનાની લાલચે છેતરપિંડી કરતી ગેંગ ઝડપાઈ !

ભુજ એલસીબીએ છેતરપિંડી કરવાનો પ્રયાસ કરતી એક શાતિર ગેંગના ૫ ઇસમોને ₹૧.૬૨ કરોડથી વધુનો મુદ્દામાલ સાથે ઝડપ્યા ‘madhav571’ નામનુ આઇડી બનાવી ઠગાઇનો કારસો

ઇન્સ્ટાગ્રામ પર ખોટી આઇડી બનાવી સસ્તું સોનું આપવાની લોભામણી જાહેરાતો દ્વારા લોકો સાથે છેતરપિંડી કરવાનો પ્રયાસ કરતી એક શાતિર ગેંગના પાંચ ઇસમોને પશ્ચિમ કચ્છ-ભુજ લોકલ ક્રાઇમ બ્રાન્ચે ઝડપી પાડ્યા છે.પોલીસે આરોપીઓ પાસેથી અસલી અને નકલી સોનાના બિસ્કિટ, કાર તેમજ મોબાઇલ સહિત કુલ ૧,૬૨,૪૪,૩૦૦/- નો મુદ્દામાલ કબજે કર્યો હતો. વિગતો મુજબ, સરહદી રેન્જ આઇજી ચિરાગ કોરડીયા તથા પશ્ચિમ કચ્છ પોલીસ અધિક્ષક વિકાસ સુંડાની સુચનાથી સસ્તા સોનાની લાલચ આપી છેતરપિંડી કરતી ગેંગો સામે એલસીબી પીઆઈ એ.એમ. મકવાણા અને તેમની ટીમ દ્વારા તપાસ ચલાવવામાં આવી રહી હતી.દરમિયાન, બાતમી મળેલ કે ભુજના સુલતાન સુલેમાન કુંભાર અને બસીર હાસમ કાતીયાર સોશિયલ મીડિયા પર ‘madhav571’ નામનું ફેક ઇન્સ્ટાગ્રામ આઇડી બનાવીને તેમાં સસ્તા સોનાના બિસ્કિટના ફોટા તથા વીડિયો પોસ્ટ કરતા હતા.તેઓ બજાર ભાવ કરતા ઓછા ભાવે સસ્તું સોનું આપવાની જાહેરાતો મૂકી લોકોને વિશ્વાસમાં લઈને રૂપિયા પડાવવાની કોશિશ કરી રહ્યા હતા.ચોક્કસ બાતમીના આધારે LCB ટીમે મહિલા આશ્રમ પાછળ આવેલા ગીતા કોટેજના સાર્વજનિક પ્લોટ પાસેના મકાન પર રેડ પાડીને પાં શખ્સો સુલતાન સુલેમાન કુંભાર (ઉં.વ. ૩૪, રહે. નાગોર રોડ, ભુજ),બસીર હાસમ કાતીયર (ઉં.વ. ૩૩, રહે. ગાંધીનગરી, ભુજ),સાજીદ સુલેમાન કુંભાર (ઉં.વ. ૩૧, રહે. નાગોર રોડ, ભુજ),અસગર સુલેમાન કાતીયર (ઉં.વ. ૨૪, રહે. ભુજ),ફહીમ અલીમામદ સોઢા (ઉં.વ. ૨૧, રહે. જીલાણીનગર, ભુજ) ને મુદ્દામાલ સાથે ઝડપી પાડ્યા હતા.પોલીસે તપાસ દરમ્યાન અસલી સોનાના બિસ્કિટ ૧૦ નંગ (વજન ૧ કિલો) કિંમત ૧,૫૦,૦૦,૦૦૦/-નકલી સોનાના બિસ્કિટ ૧૫ નંગ,હ્યુન્ડાઇ ક્રેટા કાર ૧ (જીજે ૧૮ બીપી ૫૫૬૧) કિંમત ૧૦,૦૦,૦૦૦/-ટુ વ્હીલર: ૩ કિંમત ₹૧,૫૦,૦૦૦/-મોબાઇલ ફોન: ૯ નંગ કિંમત ૯૦,૦૦૦/- તથા રોકડ સહિતનો મુદ્દામાલ કબ્જે કર્યો હતો.ઝડપાયેલા તમામ આરોપીઓ વિરુદ્ધ ભુજ શહેર બી ડિવિઝન પોલીસ સ્ટેશન ખાતે ભારતીય ન્યાય સંહિતા (BNS) ૨૦૨૩ ની કલમ ૩૧૮(૪), ૩૧૯(૨) અને ૬૨ મુજબ ગુનો નોંધી આગળની કાયદેસરની કાર્યવાહી હાથ ધરવામાં આવી હતી. પશ્ચિમ કચ્છ જીલ્લાના પોલીસ અધિકારીઓએ સમગ્ર બનાવ અંગે વિગતવાર માહિતી પત્રકાર પરિષદ યોજી આપી હતી.

કચ્છની આવી ચીટર ટોળકી સક્રિય

જો કે સસ્તા સોનાના નામે ઠગાઇ એ કચ્છમાં કોઇ નવી વાત નથી. અગાઉ પણ કચ્છમાં આવા અંસખ્ય કિસ્સાઓ સામે આવી ચુક્યા છે. પોલીસે તેની સામે કડક કાર્યવાહી પણ કરી છે. પરંતુ હિન્દુ વ્યક્તિઓના નામે આવી આઇડી બનાવી તથા અન્ય રીતે લોકોને ઠગતી આવી ટોળકી પોતાના કારનામાં કરવાનુ સતત ચાલુ રાખે છે.ઝડપાયેલા આરોપીના ગુન્હાહિત ઇતિહાસની તપાસ કરાઇ રહી છે. પ્રાથમિક તપાસમાં સુલતાને આવા 20 થી વધુ કિસ્સામાં લોકોને છેતર્યા હોવાની કબુલાત કરી છે. જે ઠગાઇનો આંકડો 4 કરોડથી વધુનો થવા જાય છે.ત્યાર ઝડપાયેલા અન્ય લોકોની ભુમિકા સહિતના તપાસ પોલીસે આરંભી છે. પોલીસ સતત આવી આઇડી પર નજર રાખી હતી તે દરમ્યાન આ કિસ્સો પ્રકાશમાં આવ્યો હતો.

કચ્છ અને સસ્તા સોનાના નામે ઠગાઇ એ કોઇ નવી વાત નથી અગાઉ કચ્છથી લઇને રાજ્ય બહાર આવી ટોળકીઓએ લોકોને શિશામાં ઉતાર્યા છે. પરંતુ બહાર નિકળી ફરી તેઓ અન્ય એમઓ સાથે લોકોને છેતરવા તૈયાર થઇ જાય છે. જો કે આ વખતે કોઇ શિકાર થાય તે પહેલાજ પોલીસે કાર્યવાહી કરી આરોપીને દબોચી લીધા હતા.જો કે આવા કિસ્સામાં કાયેદસર કાર્યવાહી સાથે કેટલાક ગુન્હેગારોના વૈભવી ગેરકાયદેસર દબાણો સહિતની કાર્યવાહી થાય તેવી ટકોર કરી રહ્યા છે.બાકી આવી ટોળકી પકડાઇ અને કાયદાની છટકબારીમાંથી થોડા સમયમાં છટકી જશે.