ભુજ તાલુકાના લાખૌંદ ગામે યોજાતી ‘શિવાલિકા કોમર્શિયલ નવરાત્રી’ ફરી ભારે વિવાદમાં સપડાઈ છે.નવરાત્રીના પાસના ઊંચા ભાવ અને સ્થાનિકોને વિશ્વાસમાં લીધા વિના આયોજન કરવાના આક્ષેપ સાથે સ્થાનિક લોકોએ ઉગ્ર વિરોધ નોંધાવ્યો હતો જો કે લાંબા વિવાદ બાદ આયોજકોએ સ્થાનીક લોકો માટે એન્ટ્રી ફીમાં ધરખમ ધટાડો કર્યો હતો.
આયોજન સાથે જ સ્થાનીક લોકોના વિરોધનો ભોગ બનેલી શિવાલીકા નવરાત્રી આ વખતે પણ વિવાદમાં આવી છે ગત વર્ષે વિધર્મી કલાકારોની હાજરીથી આ કોમર્શિયલ નવરાત્રી વિવાદમા આવી હતી. અને ગામોગામ થયેલા વિરોધના પ્રચાર પછી આયજકોએ આસપાસના ગામોમાં ફી પાસનુ વિતરણ કરી આયોજનને સફળ બનાવવા પ્રયત્નો કર્યા હતા.જો કે કેટલાક આગેવાનો સતત આ આયોજનનો વિરોધ કરી રહ્યા છે. ત્યારે આ વર્ષે પણ ફરી શિવાલીકા નવરાત્રી વિવાદમાં આવી છે.આમતો જાગૃત નાગરીકો માતાજીના નામે લખલુંટ પૈસા કમાતી આવી નવરાત્રીનો પહેલાથીજ વિરોધ કરી રહ્યા છે. પરંતુ તંત્ર અને વિરોધ કર્તાને સાચવી લેતા સંચાલકો મક્કમ રીતે નવરાત્રી ચલાવી રહ્યા છે. તે વચ્ચે શનિવારે રાત્રે લાખૌંદ, પદ્ધર અને કુકમાના સ્થાનિક લોકો ભારે રોષ સાથે નવરાત્રી સ્થળે ધસી ગયા હતા જેમાં વિરોધનુ કારણ હતુ. પાસના તતિંગ ભાવો: કેમકે નવરાત્રી સંચાલકો દ્વારા 499 થી જનરલ પાસની શરૂઆત કરી 799 થી VIP એન્ટ્રી 1.25 લાખ સુધીનું સોફા સીટિંગ! સહિતની વ્યવસ્થા કરી છે.સામાન્ય પાણીની બોટલ પણ અહી 50 રૂપીયા સુધીના ઉંચા ભાવે વહેંચાય છે. ત્યારે ગયા વર્ષે સ્થાનીક ગામોમાં ફ્રી પાસ આપનાર આયોજકોએ આ વખતે સ્થાનીકોની અવગણના કરતા ધાર્મિક ઉત્સવના નામે વ્યાપારી આયોજન કરવામાં આવી રહ્યું હોવાના આક્ષેપ તથા તોતીંગ એન્ટ્રી ફીના વિરોધમાં સ્થાનીકો ગરબા સ્થળે પહોચતા ભારે અફરાતફરી સર્જાઇ હતી.એક તરફ અપુરતી વ્યવસ્થાના કારણે હાઇવે પર ભારે ટ્રાફીક સર્જાયો હતો.અને બીજી તરફ વિરોધના પગલે પોલીસના ધાડેધાડા ઉતરી પડ્યા હતા.કલાકો ચાલેલા વિવાદમાં ભાજપ-કોગ્રેસના અગ્રણીઓ સહિત સમાજના પ્રતિષ્ઠીત લોકો પહોચ્યા બાદ વિવાદ શાંત થયો હતો. જો કે આ વિસ્તારના ચુંટાયેલા પ્રતિનીધી તથા સ્થાનીક અગ્રણીઓએ ગંભીર આક્ષેપ કરી આયોજનમાં ગેરવ્યવસ્થા,નિયમોના ભંગ તથા સ્થાનીક લોકોની અવગણના સહિતના મુદ્દે સંચાલકો સામે ગંભીર આક્ષેપો કર્યા હતા.તો તંત્ર પણ આવા સંચાલકોને છાવરતુ હોવાના આક્ષેપ કર્યા
અંતે આયોજકોએ સ્થાનીકો માટે ભાવ ધટાડ્યા
સામાન્ય લોકોના ખીંચા ખાલી થઇ જાય તેવા ઉંચા ભાવ મુદ્દે સ્થાનીકોએ બાયો ચડાવી હતી. ગત વર્ષે વિરોધના પગલે ગામોગામ ફરી આયોજકોએ મફત પાસની લાહણી કરી હતી આ વર્ષે પણ ચોક્કસ લોકોને સાચવી લેવાના પ્રયાસો કરાયા હતા. પરંતુ સ્થાનીક લોકોએ શનિવારે રાત્રે ભારે હોબાળો કર્યો હતો.”ઘટનાની ગંભીરતાને ધ્યાને રાખીને ભાજપ અને કોંગ્રેસના સ્થાનિક નેતાઓ તેમજ પોલીસે વચ્ચે પડીને સ્થિતિ થાળે પાડવાના પ્રયાસો કર્યા હતા.સ્થાનિકોના ભારે વિરોધ અને રાજકીય-પોલીસ મધ્યસ્થતા બાદ આખરે શિવાલિકા કોમર્શિયલ નવરાત્રીના આયોજકોને ઝૂકવું પડ્યું હતુ. અને આયોજકો દ્વારા હવે ત્રણેય ગામો-લાખૌંદ, પદ્ધર અને કુકમાના સ્થાનિકો માટે માત્ર 150માં પાસ આપવાની જાહેરાત કરી હતી.આ સમગ્ર ઘટના બાદ હવે સવાલ એ ઊભો થઈ રહ્યો છે કે,ધાર્મિક ઉત્સવોના નામે યોજાતા મોટા કોમર્શિયલ કાર્યક્રમોમાં સ્થાનિકોની લાગણીઓ અને સુવિધાઓને કેટલું મહત્વ આપવામાં આવે છે?વિરોધ પછી જ કેમ આવી જાહેરાતો થાય છે.
સ્થાનીકોના વિરોધ નિચેના જવાબદારોની વિશ્વાસમાં ન લેવાતા હોવાના આક્ષેપ વચ્ચે દર વર્ષે આવી નવરાત્રીના આયોજનમાં વિખવાદો થાય છે. સ્થાનીકોનો આક્ષેપ છે મોંધી એન્ટ્રી ફી સાથે નિયમો વિરૂધ્ધ આવી ગરબી મોડે સુધી ચાલે છે. અને અવ્યવસ્થા સર્જે છે. જેની ફરીયાદો છંતા કોઇ કાર્યવાહી કરાતી નથી.જો કે ગઇકાલે મોટી સંખ્યામાં લોકો દોડી જતા ભારે વિવાદ અને હોબાળા પછી મામલો થોડે પડ્યો હતો.જો કે કોર્ટના નિર્દેષો વચ્ચે અને પોલીસની હાજરીમાં મોડે સુધી ગરબી શા માટે ચાલુ રહે છે. તે સવાલો સ્થાનીકોના મનમાં હજુ પણ ઉઠી રહ્યા છે.
