કચ્છ અને ગુજરાતનો દરિયાકાંઠો હાલ કરોડોના ડ્રગ્સની હેરફેરને લઇને ચર્ચામાં છે હજુ થોડા સમય પહેલા જ જખૌ IMBL નજીકથી ડાયરેક્ટૉરેક્ટ ઓફ રેવન્યુ ઇન્ટેલીજન્સ અને કોસ્ટગાર્ડે સયુંકત ઓપરેશન કરી 1000 કરોડનુ ડ્રગ્સ અને ડ્રગ્સ લઇ આવનાર પાકિસ્તાની અને ભારતીય કેરીયર એવા શખ્સની ધરપકડ પણ કરી છે ત્યાં પશ્ર્ચિમ કચ્છ સ્પેશીયલ ઓપરેશન ગ્રૃપે અન્ય એજન્સીઓને અંધારામાં રાખી બિનવારસુ ડ્રગ્સનો જથ્થો મેડી BOP નજીકથી ઝડપી પાડ્યો છે આમતો 1000 કરોડના ડ્રગ્સકાંડ મામલે ઝડપાયેલા પાકિસ્તાનીઓએ તપાસમાં જણાવ્યુ હતુ કે તેઓએ કેટલોક જથ્થો દરિયામાં ફેંક્યો છે પરંતુ તે તપાસ દરમ્યાન મળી આવ્યો ન હતો પરંતુ SOGને ગઇકાલે મળેલી બાતમીના આધારે તેઓએ નારાયણસરોવર નજીકના ક્રિક એરીયામાં સર્ચ ઓપરેશન હાથ ધર્યુ હતુ અને 1કિ.લોના 3 બિનવારસુ પેકેટ કલાકોની શોધખોળ બાદ મળી આવ્યા હતા SOG ની પ્રાથમીક તપાસમાં આ જથ્થાની કિંમત 15 કરોડ આંકવામાં આવી છે અને દરિયામા ફેકી દેવાયાલા જથ્થા પૈકીનો આ જથ્થો હોવાનુ અનુમાન છે.
કેવી રીતે SOG એ પાર પાડ્યુ ઓપરેશન?
બી.એસ.એફના પેટ્રોલીંગ એરીયામાં આવતા આ વિસ્તાર પર આમતો બી.એસ.એફ સતત ધ્યાન આપતુ હોય છે પરંતુ સ્પેશીયલ ઓપરેશન ગ્રૃપને બાતમી મળતા ગઇકાલે સવારે 9 વાગ્યાથી SOG સહિત પોલિસના ઉચ્ચ અધિકારીઓએ ઓપરેશન હાથ ધર્યુ હતુ અને કલાકોની દરિયાઇ સફર બાદ મેડી BOP નજીક સર્ચ શરૂ કર્યુ હતુ અને કલાકો દલદલ અને રેતીમાં ચાલ્યા બાદ 3 પેકેટ શંકાસ્પદ ડ્રગ્સનો જથ્થો મળી આવ્યો હતો જે મોડી રાત્ર સુધી ચાલ્યુ હતુ પ્રાથમીક તપાસ અને એફ.એસ.એલના પ્રાથમીક અભિપ્રાયમાં આ જથ્થો હેરોઇન હોવાનુ સામે આવ્યુ છે સમગ્ર ઓપરેશનમાં નલિયા સી.પી.આઇ સહિત SOG નો સ્ટાફ જોડાયો હતો.
