સિક્યુરીટી ગાર્ડ, સ્થાનિક રહેવાસીઓ અને પોલીસના સંયુક્ત પ્રયાસથી ઝડપાયેલો રીઢો ચોર છ વરસ કર્ણાટકની જેલ ભોગવતો હતો, અને ૨૦૨૩ ભાગેડુ છે મધ્ય પ્રદેશ પોલીસે તેને પકડવા ઇનામ જાહેર કરેલું છે, અલગ અલગ રાજ્યોમાં તેની વિરૂદ્ધ ૧૨ ગુના નોંધાયેલા છે
ભુજ તા.૧૬
મુન્દ્રામાં સોસાયટીમાં ચોકીદારી કરતા એક સિક્યુરીટી ગાર્ડની સતર્કતાથી અનેક રાજ્યોમાં ચોરી લુંટ કરી નાસતો ફરતો ચડી બનિયન ગેંગનો સરદાર પોલીસની ત્વરિત અને ચાલાકીભરી કાર્યવાહીથી ઝડપાઈ ગયો છે. આ કેમ શક્ય બન્યું તે જોઈએ તો મિલ્કત સબંધી ગુનાઓ બનતા અટકાવવા મુંદરા પોલીસ દ્વારા શહેરમાં આવેલ સોસાયટીના રહીશો અને સિક્યુરીટી ગાર્ડનું એક અલાયદુ “આપની સુરક્ષા, અમારો સંકલ્પ” નામનું વ્હોટ્સગ્રુપ બનાવ્યુ હતુ અને તેના માધ્યમથી જરૂરી સુચનાઓ આપવામાં આવતી હતી,તેમાં જે મકાનો બંધ હોય ત્યાં વિશેષ પેટ્રોલીંગ રાખવા અને તે બાબતે પોલીસને જાણ કરવા સુચના આપવામા આવેલ હતી.ગત તા.૧૪/૦૭ ના મોડી રાત્રીના મુંદરાની ગોકુલમ સોસાયટીના સીક્યુરીટી ગાર્ડ હરદેવસિંહ રાણાએ ટેલીફોનથી પોલીસ સ્ટેશન ખાતે જાણ કરી હતી કે, ગોકુલમ સોસાયટીના સી.સી.ટી.વી કેમેરામાં અમુક ચડ્ડી-બનિયાન પહેરેલ ઇસમો સોસાયટીમાં પ્રવેશ કરતા દેખાય છે જેથી પોલીસ મોકલો ફરજ પરના પી.એસ.ઓ.એ નાઈટ ફરજ પરના પોલીસના માણસોને તુરત ત્યાં પહોચવા સુચના આપતા,પોલીસે સમય સુચકતા વાપરી ત્વરીત જગ્યા પર પહોચી હતી અને ફોન કરનાર હરદેવસિંહ રાણા તથા સોસાયટીના માણસો સાથે મળી એક ઇસમને જગ્યા પરથી ચોરી કરેલ મુદામાલ સાથે રંગે હાથ પકડી પાડ્યો હતો જેમાં સીક્યુરીટી ગાર્ડ હરદેવસિંહ રાણાએ ખુબ હિમત અને બહાદુરી પુર્વક કામ કર્યુ હતું.બાદમાં સોસાયટીમાં ચેક કરતા એક બંધ મકાનના દરવાજાનો નકુચો તથા એન્કર લોક તુટેલ હતા જે મકાન માલીક બહાર ગામ હોઇ તેની જાણ કરતા તેને પરત આવી પોતાના મકાનમાંથી રૂ.૪૦,૦૦૦ મતાની ચોરી થઇ હોવાની ફરીયાદ આપી હતી આ બાબતે જીલ્લા પોલીસ અધિક્ષક વિકાસ સુંડાએ આરોપીની ઉંડાણપુર્વક પુછપરછ કરવા તેમજ તેના વર્તનમાં સ્થાનિક પોલીસનો સંપર્ક કરી અન્ય ગુનામાં તેની સંડોવણી અંગે તપાસ કરવા સુચના આપતા મુંદરા પોલીસ સ્ટેશનના પોલીસ ઇન્સપેક્ટર આર.જે. ઠુંમર તથા સબ ઇન્સ. ડી.જે.ઠાકોરની આગેવાનીમાં ટીમ બનાવી સઘન અને કડક પુછપરછ કરતા સૌ પ્રથમ આરોપી રીઢો હોઇ પોતાનું સાચુ નામ-ગામ-સાથીઓના સાચા નામ જણાવતો ન હતો,સૌ પ્રથમ સુરેશ જણાવેલ ત્યાર બાદ સુનીલ જણાવેલ અને ઘણા પ્રયત્નો પછી પોતાનું સાચુ નામ અને સરનામુ જણાવતા તેની યુક્તિ પ્રયુક્તિથી પુછપરછ કરતા તેમજ ગુનેગારોનો ગુનાહિત ઇતિહાસ જાણવા માટેની ગુજરાત સરકારની ઈગુજકોપ તથા ICJS એપ્લીકેશન તથા અન્ય ટેકનીકલ એપ્લીકેશન્સની મદદથી તપાસ કરતા અને મધ્યપ્રદેશની પોલીસનો સંપર્ક કરતા એવી હકીકત જાણવા મળેલ કે, કુખ્યાત આરોપી મધ્યપ્રદેશની ખુંખાર ચડ્ડી-બનિયાનધારી ટોળકીનો સરદાર છે તેના વિરૂધ્ધ મધ્યપ્રદેશ, કર્ણાટક, આંધ્રપ્રદેશ, ગુજરાત, મહારાષ્ટ્ર રાજ્યોમાં વરફોડ ચોરી, લુંટ, આર્મ્સ એક્ટ,વાહન ચોરી જેવા કુલ ૧૨ ગુના દાખલ થયેલ છે.સાથે કર્ણાટકની હલીયાલ જેલમાં છ વર્ષથી સજા ભોગવતો હતો અને વર્ષ ૨૦૨૩ થી ભાગેડુ છે. તેમજ તેના વતન ઉદયગઢ તથા અન્ય રાજ્યોમાં ઘણા ગુનાઓમાં પણ તે વૉન્ટેડ છે, મધ્યપ્રદેશમાં અલીરાજપુર જીલ્લામાં પોલીસ અધિક્ષકે તેને પકડવા રૂપિયા ૫,૦૦૦ નું ઇનામ પણ જાહેર કર્યુ હતુ તે ફરાર થયા બાદ મુન્દ્રા રહેતો હતો આ કામગીરી પોલીસ ઇન્સપેક્ટર આર.જે.ઠુંમર પો.સબ ઇન્સ.ડી.જે.ઠાકોર તથા મુંદરા પોલીસ સ્ટેશનના કર્મચારીઓ જોડાયા હતા.
આ છે રીઢા ચોરની મોડસ ઓપરેન્ડી
પકડાયેલા રીઢા ચોરની પુછપરછમાં એવો ખુલાસો થયો છે કે, તે પોતાના સાથીઓ સાથે જે તે શહેરમાં આવી દિવસે રેકી કરી જે સોસાયટીની બાજુમાં ખુલ્લું મેદાન અને બાવળોની ઝાડીઓ હોય તેવી પોશ સોસાયટી સિલેક્ટ કરી બાવળની ઝાડીઓમાં છુપાઇ જતા હતા,રાત્રે આઠ વાગ્યાથી એક વાગ્યા સુધી સુઈ જતા અને ત્યાર બાદ જાગી ઝાડીઓમાંથી દિવાલ કુદી સોસાયટીમાં જઈ બંધ ઘરને ટાર્ગેટ કરી મકાનના તાળા તથા નકુચાઓ ડીસમીસથી તોડી મકાનની અંદર પ્રવેશ કરી મકાનમાં રહેલ સોના ચાંદીના દાગીના તથા રોકડ રકમ જે મળે તે ચોરી કરી નાશી જતા હતા.
આરોપી લાંબો ગુન્હાહીત ઇતિહાસ ધરાવવા સાથે ગંભીર ગુ્ન્હામાં સામેલ છે. તેવામાં લોકો અને પોલીસની સ્યુક્ત સતર્કતાથી આરોપી તો પકડાઇ ગયો છે. પરંતુ તેના સાથીદારો કોણ છે. અને કચ્છમાં તેના પ્રવેશથી લઇ તેને કરેલા કારનામા અંગે પોલીસ વિશેષ પુછપરછ કરશે
Leave a Reply