અગાઉ લુંટાયેલા અંજારના વેપારીને લુંટવાનો પ્લાન નિષ્ફળ ગયા બાદ તેમાં સામેલ ત્રણ શખ્સોને પોલીસે કાર સહિત પકડી ગુન્હાનો ભેદ ઉકેલી નાંખ્યો છે.સોસિયલ મિડિયામાં વિડિયો જોઈ આરોપીઓએ લુંટનો પ્લાન બનાવ્યો હોવાનુ પોલીસની તપાસમાં સામે આવ્યુ
પુર્વ કચ્છમાં તાજતેરમાં અપહરણ લુંટ જેવા ચકચારી બનાવોએ વેપારી આલમમાં ફફડાટ ફેલાવ્યો હતો. પહેલા ગાંધીધામના આંગણીયા પેઢીના સંચાલકનુ અપહરણ કરી ફીરોતી માંગવાનો પ્લાન અને ત્યાર બાદ મીઠીરોહરમાં વેપારી પર હુમલો કરી લુંટનો પ્લાન બનતા ચકચાર ફેલાઇ હતી જો કે ગાંધીધામના અરહરણના કિસ્સાની જેમ હવે પોલીસે અંજાર લુંટનો નિષ્ફળ પ્રયાસ કરનાર ટોળકીને પણ ઝડપી પાડ્યો છે.ગાંધીધામના રાષ્ટ્રીય ધોરીમાર્ગ પર આવેલા રાધે કોમ્પલેકસમાં વેપારી પર હુમલો કરીને રૂ. 20 લાખ રોકડાની લુંટ કરવાના પ્રયાસમાં પોલીસે ત્રણ યુવાનોને ઝડપી પાડયા છે.બનાવ પ્રકાશમાં આવ્યા બાદ એસપી સાગર બાગમારના નેતૃત્વમાં પુર્વ કચ્છ પોલીસની ટીમે 24 કલાકમાં સમગ્ર ઘટનાનો ભેદ ઉકેલી લીધો છે. વેપારી રાજુ રસીકલાલ ઠક્કર મીઠીરોહરમાં ઘનશ્યામ ટેલિકોમના નામે આંગડિયા અને મની ટ્રાન્સફરની પેઢી ધરાવે છે.સોમવારે બજારમાંથી વિવિધ ઉઘરાણીની રૂ 20 લાખની રોકડ રકમ લઈને વેપારી પોતાની દુકાને પહોંચ્યા ત્યારે તેમના પર છરી વડે હુમલો કરાયો હતો. આરોપીઓએ છરી વડે હુમલો કરતા ભોગ બનનારે પ્રતિકાર કરી થેલો બાજુની દુકાનમાં ફેકી દીધો હતો જેથી લુંટનો પ્રયાસ નિષ્ફળ ગયો હતો આ દરમિયાન આસપાસના વેપારીઓ આવી જતા હુમલાખોર આરોપીઓ કારમાં નાસી છુટયા હતા.જે બાદ પોલીસે સીસીટીવી ફુટેજ વડે તપાસ કરતા કારનુ પગેરૂ સામખીયાળી તરફ મળ્યુ હતુ જે આધારે પોલીસે એક કાર અટકાવી લુંટનો પ્રયાસ કરનાર અબ્દુલ ઉર્ફે ગુરખો આમદ સોઢા, રે. મીઠોરોહર, અસલમ ઉર્ફે ઈકબાલ ઉર્ફે ખીસકોલી, હારૂન કેવર રે. મીઠીરોહર અને મામદ ઉર્ફે ઘોડો બાવલા મથડા રે. જુના કંડલાને ઝડપી પાડ્યા હતા પોલીસે ધટનામાં સામેલ કાર કબ્જે કરી છે.પ્રાથમીક તપાસમાં તમામ આરોપીઓ ગુનાહિત ભુતકાળ ધરાવે છે.આરોપીઓ પૈકી ગુરખો અને ખીસકોલીએ સાથે મળીને છરી વડે હુમલો કર્યો હતો જયારે ઘોડાએ કાર ચલાવી હતી તેમ પોલીસ જણાવ્યું હતું.
લુંટનો વિડીયો જોઇ ધડ્યો પ્લાન !
પુર્વ કચ્છ પોલીસે યોજેલી પત્રકાર પરિષદમાં માહિતી આપતા પુર્વ કચ્છ એસપી સાગર બાગમારે જણાવ્યુ હતું કે આરોપીઓએ સોશિયલ મીડિયામાં લુંટનો વિડિયો જોયો હતો અને પછી લુંટનો પ્લાન બનાવ્યો હતો.તપાસમાં એ પણ સામે આવ્યુ છે. કે ભોગ બનનાર સાથે અગાઉ રોકડ રકમની લુંટના બનાવો બન્યા હતા જે પણ આરોપી જાણતા હોય દૈનિક રોકડ રકમની હેરફેર કરતાં હોવાનું ધ્યાનમા રાખી પ્લાન બનાવ્યો હતો જે બાદ રેકી કરી સોમવારે તેમની પાસે રૂપિયા વધુ હશે તેમ માનીને લુંટની ઘટનાને અંજામ આપવાનો પ્લાન બનાવ્યો હતો. જોકે ભોગ બનનારની સર્તકતાને પગલે લુંટનો પ્લાન નિષ્ફળ રહ્યો હતો અને બાદમાં પોલીસની સતર્કતાથી આરોપીઓ પોલીસની ગીરફ્તમાં છે.જેની વિશેષ તપાસ ચાલુ છે.
Leave a Reply