સોશિયલ મિડીયા પર વાયરલ થયેલ એક વિડીયોમાં હાથમા લાકડાના ધોકા અને છરી રાખી વાહનો રોકાવી રોફ જમાવતા નજરે પડતા હતા.લાકડીયા પોલીસે થાર સાથે બે શખ્સોને ઝડપ્યા
આજકાલ સોસીયલ મિડીયામાં ફેમસ થવા કે અન્ય કારણોસર હથિયારો સાથે રોફ જમાવવાના મામલાઓ છાસવારે બની રહ્યા છે. તે વચ્ચે કચ્છના સામખીયાળી માળીયા હાઇવે પર આવોજ એક બનાવ પ્રકાશમાં આવ્યો હતો.સામખીયારી-માળીયા હાઇવે પર બે ઇસમો દ્વારા હાથમા લાકડાના ધોકા અને છરી રાખી વાહનો રોકાવી રોફ જમાવતા વિડીયો વાયરલ થયો હતો જેમાં બે શખ્સો ભુજ પોરબંદર એસટીબસના ડ્રાઇવર અને કંડકટર સાથે દાદાગીરી કરતા પણ નજરે પડ્યા હતા અને તેને માર પણ માર્યો હતો આ સાથે અન્ય એક ટ્રક ચાલકને લાફો મારવાનો વીડિયો પણ સામે આવ્યો હતો. સ્થાનીક લોકોના જણાવ્યા મુજબ આ ધટના શનિવારે ભચાઉના કટારીયા પાસે માનસ હનુમાનધામ પાસે બની હતી જે વિડીયો ગઇકાલે વાયરલ થયા બાદ હવે પોલીસ પણ તપાસમાં જોડાઇ છે. અને વિડીયોમાં દેખાતા બે શખ્સોને લાકડીયા પોલીસે ઝડપી પાડ્યા છે.પોલીસે વિડીયોમા દેખાતા બે શખ્સો તથા થા૨ ગાડીની ઓળખ કરી બન્નેને છરી તથા લાકડાના ધોકા સાથે પકડી પાડી બન્ને ઇસમો વિરુધ્ધ કાયદેસર કાર્યવાહી કરી છે. આરોપીઓમાં સિકંદર ઉર્ફે સિકલો ઇસમાઇલ ત્રાયા ઉ.વ.૨૮ ૨હે.જસાપર વાંઢ(શિકારપુર) તા.ભચાઉ (૨) ઇમરાન ઉર્ફે ઇમલો કાસમ ત્રાયા ઉ.વ.૨૭ ૨હે. ૨હે.જસાપર વાંઢ(શિકારપુર) તા.ભચાઉનો સમાવેશ થાય છે. બન્ને આરોપીઓ અગાઉ પણ કાયદામાં સંકજામાં આવી ચુક્યા છે. આરોપી સિકંદર ત્રાયા સામે અગાઉ ગાંધીધામ એ તથા ભુજ બી ડિવીઝન પોલીસ મથક તથા સામખીયાળી પોલીસ મથકે હથિયારા ધારા તથા કાવત્રુ ધડી ગુન્હો કરવાના મામલા નોંધાયા છે જ્યારે ઇમરાન સામે એ ડીવીઝન ગાંધીધામ સામખીયાળી તથા લાકડીયામાં ગંભીર પ્રકારના ગુન્હાઓ નોંધાઇ ચુક્યા છે.પોલીસે બન્નેની ધરપકડ કરી કાર્યવાહી હાથ ધરી છે. લાકડીયા પોલીસ ઇન્સ્પેક્ટર જે.એમ.જાડેજા સહિતનો સ્ટાફ આ કાર્યવાહીમાં જોડાયો હતો.
Leave a Reply