રતનાલમાં વાસણભાઇનુ સ્નેહમિલન 2027ની ચુંટણીનુ શક્તિ પ્રદર્શન…!

ગુજરાતમાં વડાપ્રધાનની મુલાકાત બાદ 2027 ની ચુંટણીની તૈયારીનુ બ્યુગલ વાગી ગયુ છે. ભાજપ દ્વારા દરેક વિધાનસભા ક્ષેત્રમાં સ્નેહમિલન સહિતના કાર્યક્રમો આયોજીત થશે તે વચ્ચે કચ્છના પુર્વ ધારાસભ્ય અને રાજ્ય સરકારના મંત્રી વાસણ આહિરે પોતાના પરંપરાગત સ્હેનમિલનની પરંપરા જાળવવા સાથે આગામી વિધાનસભામાં નવાજુની કરવાના એંધાણ આપતા મોટા નેતાઓની હાજરીમાં યોજાયેલુ સ્નેહમિલનને શક્તિ પ્રદર્શન રાજકીય નિષ્ણાંતો માની રહ્યા છે.

આમતો એવુ કહેવાય છે. કે ભાજપ હમેંશા ચુંટણીના એકટીવ મુડમાં હોય છે. અને એટલેજ દેશની સાથે ખાસ કરીને ગુજરાતમાં દાયકાઓથી ભાજપ સાશન કરી રહ્યુ છે. જો કે દિલ્હીમાં ગરમાયેલા રાજકીય મામલાઓ વચ્ચે ગુજરાતમાં વડાપ્રધાનની તાજેતરની ગુજરાત મુલાકાતને 2027ની પ્રિ તૈયારી રૂપે જોવાઇ રહી છે. જુના-નવા નેતાઓની હાજરીમાં યોજાયેલી બેઠકો અને ત્યાર બાદ ભાજપે શરૂ કરેલી કવાયતો દર્શાવે છે કે ભાજપ 2027ની ચુંટણીની તૈયારીમાં લાગી ગયુ છે. જો કે તે વચ્ચે કચ્છથી લઇ ગાંધીનગર સુધી કચ્છમાં પુર્વ મંત્રી વાસણ આહિરે યોજાયેલા સ્નેહમિલનની રાજકીય ચર્ચા છે. આમતો વાસણભાઇ આહિર દાયકાઓથી આ પરંપરા નિભાવતા આવ્યા છે. પરંતુ આ વર્ષે લાભ પાંચમના યોજાયેલા નવા વર્ષના સ્નેહમિલનને રાજકીય નિષ્ણાંતો અલગ રીતે જોઇ રહ્યા છે. કેમકે કાર્યક્રમનો થયેલો પ્રચાર,મોટા નેતાઓની હાજરી અને કાર્યક્રમમાં સમર્થકોએ બોલેલા શબ્દો સ્પષ્ટ સંકેત આપે છે. કે વાસણ આહિર અથવા તેના પરિવારમાંથી કોઇ 2027ની વિધાનસભા ચુંટણીમાં કઇ નવાજુની કરે….રતનાલ ખાતે આયોજિત પરંપરાગત સ્નેહમિલન સમારોહમાં ગુજરાતના મુખ્યમંત્રી ભૂપેન્દ્ર પટેલએ વર્ચ્યુઅલ માધ્યમથી ઉપસ્થિત રહ્યા હતા. તો કેન્દ્રીય મંત્રી ગિરીરાજસિંહ તથા અન્ય મોટા નેતાઓ સાથે કચ્છના અનેક સામાજીક રાજકીય અગ્રણીઓએ હાજરી આપી હતી.જો કે દર વર્ષ આયોજીત થતા આ કાર્યક્રમને આ વખતે ભવ્ય બનાવાયો અને તેનો પ્રચાર પણ ભવ્ય થયો સોસિયલ મિડીયા તથા અન્ય માધ્યમથી કચ્છ સહિત ગુજરાતમાં વાસણભાઇ આહિરના સમર્થકોએ તેનો ભરપુર પ્રચાર કર્યો હતો.

અને ચાલુ ભાષણે સમર્થકે કહ્યુ….2027

કાર્યક્રમમાં આવેલા કલાકારોથી લઇ અનેક સામાજીક-રાજકીય અગ્રણીઓએ વાસણભાઇની આ પરંપરાના વખાણ કર્યા હતા.તો ઉપસ્થિત અગ્રણીઓએ પણ પરંપરાગત સ્નેહમિલન કાર્યક્રમમની પ્રસંશા કરી હતી તે વચ્ચે વાસણભાઇ આહિરે વડાપ્રધાન,ભાજપના વખાણ સાથે પોતે ક્યારે ચુંટણીમાં હારનો સ્વાદ ચાંખ્યો નથી અને પાંચ વખત વિજેતા ચુંટણીમાં બન્યા હોવાનુ પોતાના સંબોધનમાં કહ્યુ હતુ.તે દરમ્યાનજ સમર્થકોએ 2027 ની બુમાબુમ કરી હતી.જે તમામ સમિકરણો દર્શાવે છે.2023માં અંજાર વિધાનસભા ક્ષેત્રમાં પક્કડ ધરાવતા પુર્વ મંત્રીને ભલે સાઇડલાઇન કરાયા હોય પરંતુ ફરી તેમનો પરિવાર 2027માં કમબેક કરવાની તૈયારીમાં ચોક્કસ છે.જો કે સ્થાનીક ચુંટણીઓમાં રાજકીય પછડાટ પછી તેમના માટે ફરી સક્રિય થવુ મુશ્કેલ રહેશે…જો કે અંજારની ચુંટણી રસપ્રદ બનશે તે નક્કી મનાઇ રહ્યુ છે.,,,

જોગાનુજોગ ત્રિક્રમ માસ્તરની ગેરહાજરી

જો કે કચ્છ ભાજપમાં જુથ્થબંધી એ કોઇ નવી વાત નથી સ્ટેજ પર એક દેખાતા અનેક નેતાઓ એકબીજાના રાજકીય સમિકરણો બગાડવા માટે સતત પ્રયત્નશીલ હોય છે.જો કે વાસણભાઇ આહિર અને ત્રિક્રમ છાંગા વચ્ચે રાજકીય ખટપટ જુની અને જગજાહેર છે. ગત ચુંટણી સમયે થોડા સમય માટે કેટલાક સ્થળે બન્ને સાથે દેખાયા હતા પરંતુ ત્યાર બાદ સ્થાનીક ચુંટણીઓથી લઇ અનેક રીતે તેમના ખટરાગો સામે આવ્યા હતા તેવામાં લાભ પાંચમે યોજાયેલા સ્નેહમિલન કાર્યક્રમમાં જોગાનુજોગ આખુ ભાજપ,પ્રદેશ ભાજપના અગ્રણીઓ સાથે પુર્વ અને વર્તમાન કેન્દ્રીય મંત્રીઓ ઉપસ્થિત રહ્યા પરંતુ તે વચ્ચે ગુજરાત સરકારમાં વર્તમાન મંત્રી અને અંજારના ધારાસભ્ય ત્રિક્રમ છાંગાની સુચક ગેરહાજરી હતી.સ્વાભાવીક છે. તેઓ અન્ય કાર્યક્રમમાં વ્યસ્ત હોઇ શકે પરંતુ તેમની ગેરહાજરીથી અનેક રાજકીય ચર્ચાએ જોર પકડ્યુ છે.

જો કે માત્ર વાસણભાઇ આહિર જ નહી કચ્છના ચુંટણી લડવા ઇચ્છતા થનગનીયા અનેક દાવેદારોએ મોટા નેતાઓથી લઇ મહત્વના લોકો તથા હોદ્દેદારોને દિવાળી પર યોગ્ય ખાતીરદારી સાથે સાચવી લઇ તૈયારીના શ્રી ગણેશ કર્યા છે.જે રાજકીય પાર્ટીમાં ચર્ચાનુ કેન્દ્ર બન્યુ છે. જો કે વર્તમાન ધારાસભ્યો સાથે આગામી વિધાનસભામાં દાવેદારી માટે મક્કમ કોણ કોણ મુરતીયા છે.તેની વિગતવાર ચર્ચા હવે પછીના અહેવાલમાં તબક્કાવાર અને વિધાનસભા વાર કરીશુ…જે વાંચવુ રસપ્રદ રહેશે…